Laba ka mid ah xubnaha Congress-ka Maryakanka ayaa soo dhoweeyey safirika cusub ee dawladda Maraykanka ay u dirayso Soomaaliya Stephen Schwartz oo tododbaadkan lagu dhaariyey magaalada Washington.
Mudanayaasha Congress-ka ee kala ah Keith Ellison (D-MN) iyo Rep. Tom Emmer (R-MN) oo labadaba laga soo doorto Minnesota ayaa sheegay in tallaabadan tahay mid taariikhi ah.
Waxay sheegeen in magacaabistiisi ay astaan u tahay tallaabada xigta ee ah in Soomaaliya ay degenaansho kusoo laabanayso.
Keith Ellison (D-MN) iyo Rep. Tom Emmer (R-MN) waxay sheegeen inay ka dhursagayaan inay kala shaqeeyaan safiirka arrimaha Soomaalida khuseeya ee ay ka mid yihiin – dejinta waddankooda, dawlad dimoqraadi ah, ilaalinta xawaaladaha iyo wax ka qabashada abaarta ee Geeska Afrika.
Haddaba muhiimadda magacaabista safiirka waxaa warbixintan nooga diyaariyey Haaruun Macruuf.
