Madaxweynaha DKMG Sh. Shariif ayaa shir jaraaid oo ku qabtay Muqdisho wuxuu ku sheegay in qaraxii maanta ka dhacay Muqdisho uu ahaa mid lagu bartilmaameedsaday dhismaha wakaaladdii Hargaha iyo Saamaha oo haatan ah xarun u ah wasaaraddo ay leedahay DKMG
Madaxweyne Shariif ayaa sheegay in qaraxan ay geysteen saddex nin oo watay baabuur nooca UD ah oo ay saarnaayeen fuustooyin iyo caagado ay ka buuxaan waxyaabaha qarka
Shariif wuxuu sheegay in inta la hubo 70 qof ay dhinteen ilaa 117 kalena ay ku dhaawacmeen. Madaxweynuhu wuxuu xusay in dadka ugu badan ee qaraxan ku dhintay ay yihiin arday ku guulaysatay imitixaan waxbarasho ah oo loogu dirayay dalka Turkey iyo waliba dad shacab ah.
Sheekh Shariif wuxuu sheegay in qaraxani uu yahay kii labaad ee bahda waxbarashada lala beegsado.
