Real Madrid ayaa markii 15-aad loo caleemo saaray boqoradda qaaradda Yurub kadib markii ay 2-0 ku garaacday kooxda Borussia Dortmund finalka Champions League ee ka dhacay garoonka Wembley Sabtidii.
Kadib markii Dortmund ay sameysay fursado fiican, gaar ahaan qeybta hore ee ciyaarta hal dhinac, Real ayaa la wareegtay hoggaanka ciyaarta, iyadoo Dani Carvajal uu madax ku dhaliyay kubad koorne aheyd daqiiqaddii 74-aad, kadibna Vinicius Jr ayaa shabaqa ku hubsaday sagaal daqiiqo kadib.
Guusha ayaa xaqiijisay koobka Madrid markii lixaad muddo 11 xilli ciyaareed ah, taasoo la mid ah qaab ciyaareedkii ay soo martay kooxdii Real ee bilawday jacaylka ay u qabto koobka Yurub, iyagoo ku guuleystay shantii koob ee ugu horeysay ee tartamada qaaradda Yurub ee 1956 iyo mid kale 1966kii.
Waxa kale oo ay ahayd guushii shanaad ee isagoo tababare ah Carlo Ancelotti, kaasoo sidoo kale laba jeer koobka kula guuleystay AC Milan.
Madal