Xarunta Convention Center ee magaalada Minneapolis waxaa xalay lagu soo afjaray kulan-weyne ay leeyihiin dhalinyarada muslimiinta ah ee Gobolka Minnesota oo ay dhalinyarta Soomaalidu ku jirto.
Kulankan oo sannadkiiba mar la qabto ayaa waxaa soo qaban-qaabiyay masjidka Al-Dacwah ee Saint Paul. Sheekh Xasan Jaamici oo ah imaamka masjidkaasi ayaa VOA u sheegay in kulankan diiradda lagu saaray sidii dhalinyarada looga bad-baadin lahaa halista uga imanaysa kooxaha gangs-ka ah oo keeni karta inay waxbarashada ka haraan. Sheekh Jaamici wuxuu kaloo sheegay inay xoogga saareen sidii loo dhisi lahaa ama loo adkayn lahaa xiriirka ka dhaxeeya dhalinyarada iyo waalidiinta.