Madaxweynaha Maamulka Galmudug Cabdikarim Xuseen Guuleed ayaa dhaliilay safar uu maanta gudoomiyaha Baarlamanka Somalia ku tagay magaalada Dhuusamareeb.
Guuleed ayaa safarka Maxamed Cusmaan Jawaari ku tilmaamay mid aan u adeegeyn nabadeynta iyo wadahadaladii u dhaxeeyay maamulkiisa iyo maamulka Ahlu-Sunna.
Safarka Jawari oo ee Dhuusamareeb oo ay ku wehliyaan ku xigeenkiisa labaad iyo 24 mudane oo kale ayaa la xiriira xal u raadinta khilaafka ka dhaxeeya Ahlusuna iyo maamulka Galmudug.
Cabdikarim Xuseen Guuleed ayaa ku tilmaamay safarka Jawaari mid carqalad ku ah guud ahaan dadaalka nabadeynta ee Somalia iyo shirka madasha ee lagu wado inuu dhawaan ka furmo magaalada Kismayo.
Weriyaha VOA ee magaalada Gaalkacyo Cabdiwaaxid Macallin Isaaq, ayaa warbixintan noo soo diray.