Isku xirrada

War Deg-Deg ah

Ghana oo 1-0 ku muquunisay Serbia


Kooxda Ghana ayaa noqotay kooxdii ugu horeysay ee African ah ee guul ka soo hoysa koobka adduunka, waxayna 1-0 uga badisay Serbia

Ghana iyo Serbia oo kuwada jira Group D oo wada ciyaaray caawa ayaa ciyaartoodii ku soo gabagabowday 1-0 oo ay ku badisay Ghana.

Goolka badiska waxaa xulka Ghana u dhaliyay cayaaryahankooda Asamoah Gyan oo shabaqa ku hubsaday kubad rigoore ahayd oo uu u laaday kooxdiisa daqiiqadii 85-aad. Ghana ayaa rigoorahaasi ku heshay ka dib markii ciyaaryahanka Serbia Zdravko Kuzmanovic uu kubbada gacanta ku taabtay.

Ciyaarta dhexmartay labada kooxood waxay ahayd weerar iyo weerar celis, inkastoo ay hogaanka u haysay kooxda Ghana.

Daqiiqadii 74-aad waxaa kaarka cas la siiyay ciyaaryahanka reer Serbia ee Aleksandar Lukovic ka dib markii uu labo jeer qalad sameeyay.

XS
SM
MD
LG