General Maslax ayaa xisbigan uga dhawaaqay xaflad ka dhacday magaalada Nairobi ee dalka Kenya.
Wareysi uu VOA siiyay ayuu Maslax Max'ed Siyaad wuxuu ku sheegay in xisbigan uu ka shaqeyn doono sidii la isugu soo dhaweyn lahaa dadka Soomaaliyeed. General Maslax wuxuu sheegay in xisbigan uusan ahayn hal qabiil, hadafkiisuna wuxuu noqon doono sidii loo samayn lahaa wadahadal dhexmara dadka Soomaaliya.
General Maslax oo ah wiil uu dhalay madaxweynihii hore ee Soomaaliya Maxamed Siyaad Barre ayaa sidoo kale horey u soo noqday taliyihii ciidankii xoogga dalka Soomaaliya.