Barnaamijka Faaqidaadda Toddobaadka waxaan kusoo qaadaneynaa doorashada madaxweynanimo ee Sabtidii lasoo dhaafay ka dhacday lixda gobol ee ay Somaliland ka kooban tahay. Khubarada ka qeyb galaya barnaamijka ayaa si qoto-dheer u gorfeynaya isbeddelka ay doorashadu keeni karto, iyo sida ay natiijadu noqon karto.
Aqoonyahannada ayaa isku raacay in doorashada oo u dhacday si nabad ah ay noqon karto mid wax weyn ka beddesha guud ahaan majaraha siyaasadeed ee Somaliland, iyadoo ay Hargeysa tan iyo sanadkii 1991-dii dooneyso inay si rasmi ah uga go'odo Soomaaliya inteeda kale.
