Wararka ka imanaya magaalada Dhuusemareeb ee gobolka Galgaduud ayaa sheegaya in maanta dagaal muddo kooban socday uu meel 30 km u jirta Dhuuse Mareeeb ku dhexmaray maleeshiyooyinka ka tirsan Ahl-Sunna iyo Al-Shabab.
Goobtan dagaalku ka dhacay oo lagu magacaabo BULACLE ayaa waxaa soo gaaray maleeshiyo ka tirsan Al-Shabaab saaka aroortii, waxayna taasi dhalisay in maanta barqanimadii ay weerar ku qaadaan maleeshiyada kooxda Ahlu-Sunna.
Dagaalkan oo markii danbe iskiis u qaboobay ayaa la sheegayaa in Ugu yaraan 14 qof oo dhinacyadii dagaallamay ay ku dhaawacmeen, iyadoo dhaawacyada qaarkood la gaadhsiiyay goobaha caafimaadka ee magaalada Dhuusa-mareeb iyo degmada Ceelbuur.