Isku xirrada

War Deg-Deg ah

Al-Shabaab oo weeraray Galcad iyo dagaal culus oo ka dhacay


Shabaab

Ilaa 25 ka tirsan askarta dowladda Soomaaliya oo uu ku jiro taliye ku-xigeen ayaa la sheegay inay ku dhinteen weerar culus oo saaka waabarigii ay kooxda Al-Shabaab ku qaaday saldhig ku yaalla degmada Galcad oo ka mid ah degmooyinkii ay ciidamada dowladda toddobaadkan ka qabsadeen kooxda Al-Shabaab.

Dowladda Soomaalia ayaa iyadu sheegtay in dagaalka looga dilay 7 askari oo uu ku jiro, taliye ku-xigeenka guutada Danab Xasan Maxamed Cusmaan oo lo yaqaan Xasan Tuure. Guutada Danab waxaa tababara dowladda Maraykanka.

Saraakiil magacooda qariyay ayaa VOA u xaqiijiyay in dagaalka saaka ay dowladda dhinaceeda uga dhinteen illaa 25 askari oo uu ku jiro taliye ku-xigeenka.

Wasaaradda Warfaafinta ee dowladda Somaaliya ayaa sheegtay in weerarka la iska caabiyey, islamarkaana lagu jebiyey maleeshiyada Al-Shabaab.

Bayaan kasoo baxay wasaaradda warfaafinta ayaa lagu sheegay in dagaalkaasi lagu dilay in ka badan 100 maleeshiyo oo ka tirsan kooxda Al-Shabaab.

Kooxda al-Shabaab ayaa iyaduna dhinaceeda sheegatay in dagaalka ay ku dileen 159 ka tirsan askarta dowladda, iyadoo sheegashada labada dhinac aan si madax banana aan loo xaqiijin karin.

Facebook Forum

XS
SM
MD
LG