Maalmihii ugu dambeeyay ciidamada dowladda Soomaaliya oo garab ka helaya kuwa AMISOM ayaa howl-gallo ka sameeyay meelo ka mid ah gobolka Shabeellaha Hoose oo loo arkay meelihii ugu muhiimsanaa dhulkii ay ka talineysay al-Shabaab in muddo ah.
Saraakiisha dowladda ee gobolka ayaa sheegay in howl-gallada looga danleeyay sidii al-Shabab loogu diidi lahaa inay yeeshaan saldhig ay ka soo abaabulaan weeraro.
Jaamac Buulle Jaamac ayaa arrintan ka wareystay gudoomiye ku xigeenka gobolka Shabeellaha Hoose, Cabdifitaax Axmed Cabdulle.
