Golaha Wakiillada ee Somaliland ayaa ansixiyay xeer ka dhanka ah kufsiga iyo tacaddiyada haweenka, kaas oo noqonaya kii u horreeyay ee gaar u ah arrimahaas ee golahaasi ansixiyo.
Inkastoo ay hore maxkamaduhu u qaadi jireen kiisaska la xiriira kufsiga, haddana, inta badan waxay ahaayeen kuwo lagu dhammeeyo waan-waan iyo wadahadallo ay hormood ka yihiin madax-dhaqameedku, arrintaas ayuu xeerkani mamnuucayaa.
Muhiimad noocma ah ayuu xeerkani u leeyahay bulshada? Sidee ayuu se u xukumayaa dadka gala dembiyadan iyo ciddii doonta in wadaxaajood lagu dhammeeyo? Waxa arrimahaas warbixintan ku eegaya oo Hargeysa ka soo diray weriyaha VOA Barkhad Maxamuud Kaariye.