Sidaad idaacadaheennii shalay baxay qaarkod aad ku maqasheen, waxaa dagaallo goos goos ah maalmahanba ka soconayay deegaanka Abal ee gobolka Bakool, kuwaas oo u dhaxeeyay maleeshiyaad kala taabacsan al-Shabaab iyo kuwa kale oo uu hoggaaminayo amiir ku xigeenkii hore ee kooxdaasi Mukhtaar Roobow Abuu-Mansuur.
Maamulka Koonfur Galbeed, ayaa sheegey in ay dagaalkaasi ka qeyb galeen ayna ceyriyeen kooxdii al-Shababa ee soo weerartay Mukhtaar Roobow.
Jamaal Axmed Cismaan ayaa qadka telefoonka kula xiriirey wasiirka amniga Koonfur Galbeed Xasan Xuseen Maxamed. Waxana uu weydiiyay marka hore xaaladda deegaannadii lagu dagaallamay.