Mas’uuliyiinta amniga ee Puntland ayaa sheegay inaysan ka hari doonin maleeshiyada taabacsan Daacish ee laga saaray magaalada Qandala.
Dhinaca kale xaaladda magaalada Qandala oo maalintii Arbacadii ay dib u qabsadeen ciidamada Puntland ayaa deggan.
Dadweynihii horey uga cararay magaalada oo muddo bil iyo 12 cisho ah ay haysteen maleeshiyada Daacish ayaa iminka billaabay inay magaalada dib ugu soo laabtaan.
Weriyahayaga Faadumo Yaasiin Jaamc oo laba maalmood joogtay magaalada ayaa warbixintan nooga soo dirtay Boosaaso, markii ay halkaasi kusoo laabatay.