Ururka Ahlu-Sunna Wal Jamaaca ayaa maleeshiyadiisii ka saaray Dhuusamareeb, iyadoo deegaanka Mareer-Guur oo 28 km magaalada u jirta ay isku horfadhiyaan ciidamada Ahlu-Sunna iyo kuwa Galmudug ah.
WASHINGTON, D.C. —
Goobjoogayaal ayaa sheegaya in maleeshiyada Ahlu-Sunna ee gacanta ku hayey magaalada Dhuusomareeb, ee gobolka Gal-gaduud ayaa wararku sheegayaan inay halkaasi ka saareen inta badan ciidankodii.
Goobjoogayaal oo ku sugan Dhuusamareeb ayaa VOA u sheegay in duleedka magaalada ay isku horfadhiyaan laba maleeshiyo oo kala taageersan maamulka Gamudug Ahlu-Sunna.
Goobjoogayaasha ayaa sheegaya inay jirto cabsi ku aadan in dagaal uu dhexmaro labada maleeshiyo.
Dhuusamareeb oo caasimad u ah maamulka Galmudug ayaa waxaa bilihii la soo dhaafay gacanta ku haya maleeshiyo taageersan ururka Ahlu-Sunna Wal-Jamaaca oo iyagu diidan maamulka Galmudug ee uu madaxda u yahay Cabdikariim Xuseen Guuleed.
