Washington —
Wakiilo ka socday dalalka Qatar, Soomaaliya, Turkey, Imaaraadka Carabta, UK iyo Mareykanka ayaa toddobaadkan magaalada Washington ku yeeshay shir ay Soomaaliya hogaamineysay oo looga hadlay arrimaha muhiimka u ah Soomaaliya.
Qodobada shirka looga hadlay ayaa waxaa ugu weynaa abaaraha, cimilada, dawlad dhiska, dib u heshiisiinta, dib u dhiska ciidanka, xasilinta degaannada laga saaro Al-Shabaab iyo amniga.
Haddaba Haaruun Macruuf ayaa Washington ku wareystay Xuseen Sheekh Cali oo ah la-taliyaha Amniga Qaranka ee Madaxweynaha Soomaaliya oo ka mid ahaa madaxda Soomaaliya ku matalaysay shirkaasi, waxaana uu ugu horrayn weydiiyey qodobada ugu waaweyn ee kaoso baxay shirka.