Beledweyne —
Shantii bilood ee lasoo dhaafay waxaa gobolka Hiiraan ee bartamaha Soomaaliya ka socday dagaal u dhexeeya qaar ka mid ah qabaa'ilka Soomaaliyeed iyo dowladda oo isku dhinac ah iyo Al-Shabaab oo kasoo horjeeda.
Dagaalladaasi waxaa Shabaabka looga qabsaday dhul ballaaran.
Guddoomiyaha Gobolka Hiiraan Cali Jeyte Cismaan oo hoggaaminayay howl-gallada gobolkaas ka socda ayaa shalay soo gaaray magaalada Muqdisho, iyadoo lagu wado in maalmaha soo socda uu la kulmo madaxda ugu sarreysa dowladda Soomaaliya.
Weriyaha VOA-da ee Muqdisho Cabdicasiis Barrow oo la kulmay ayuu u warramay, waxa uu ugu horreyn weydiiyay safarkiisa Muqdisho iyo waxa uu salka ku hayo.