Qaramada Midoobay ayaa sheegtay inay u baahan tahay $530 milyan oo doolar si ay ugu bixiso hawlaha gargaarka Soomaaliya ee sanadka soo socda. UN-ka ayaa sidoo kale sheegay in lacagtaasi ay 23% ka hooseeyso tii ay sanadkii hore dalbadeen.
Haddaba waa sidee baahida ka jirta dalka Soomaaliya, sidee beyse Qaramada Midoobay u isticmaashaa malaayiinta dollar ee ay u dalbadaan gargaarka Soomaaliya.
Aadan Bundiid Ducaale, madaxa mashaariicda ee hay’adda WAAMO ee ka hawlgasha gobollada Jubbada Hoose iyo Jubbada Dhexe ayaa VOA-da u sheegay in aan la aqoon halka ay Qaramada Midoobay ku bixiso malaayiinta dollar. Wuxuu sheegay in shacabka baahan ee Soomaaliyeed aan waxba loogu qaban lacagahaasi ay Qaramada Midoobay dalbato.