Muqdisho —
Xubnaha Baarlamanka Soomaaliya ee la dhaariyay toddobaadkii hore ayaa xusul duub ugu jira sidii ay u dooran lahaayeen gudoonka baarlamka, kadibna madaxweyne.
Magaalada Muqdisho waxaa ka socda is-diiwaan gelinta xubnaha murashixiinta u tartamaya hoggaanka labada aqal ee baarlamanka federaalka Soomaaliya.
Weli waqti looma cayimin doorashada madaxweynaha laakiin tan guddoomiyaha Golaha Shacabka ayaa dhaceysaa 27-ka April, halka doorashada Guddoomiyaha Aqalka Sare la qorsheeyey inay dhacdo 26-ka bishan.
Beri waxaa ku eg maalmihii loo qabtay murashixiinta guddoonka Baarlamanka inay isku soo diiwaan geliyaan. Wariyaha VOA-da Seynab Abuukar Maxamed ayaa warbixintan Muqdisho kasoo dirtay.
