In ka badan 70 ayaa ku dhimatay baabuur laga soo buuxiyey waxyaabaha Qarax oo lala beegsaday Ex-Control.
Mas’uuliyiinta ayaa sheegay in dadka dhintay ay u badan yihiin rayid oo ay ku jiraan arday u socotay jaamacadaha iyo dugsiyada.
Weerarka ayaa dhacay wax yar ka hor 8-da subaxnimo ee saacadda Muqdishu, xilligaas oo ah waqti uu isgoysku aad mashquul u ahaa ayna marayeen baabuurta ka timaadda Afgooye iyo kuwa ka baxaya magaalada ee ku socda gobolka Shabeellaha Hoose.
Safaaradda Turkiga ee Muqdishu ayaa sheegtay in laba muwaadin oo u dhashay dalka Turkey ay ka mid ahaayeen dadka ku dhintay weerarka.
Weerarkan ayaa argagax ku abuuray dadweynaha Muqdishu, waxaana uu imanayaa iyadoo saddex maalmood ay ka harsan tahay dhammaadka sannadkan.
Facebook Forum