Weeraryahanka Paris St Germain Kylian Mbappe ayaa ku qasban inuu saxiixo qandaraas cusub haddii uu doonayo inuu kooxda sii joogo, iyadoo kooxda heysata horyaalka Faransiiska aysan u oggolaan doonin inuu si bilaash ku baxo sanadka soo socda, sida uu sheegay guddoomiyaha kooxda Nasser Al-Khelaifi Arbacadii.
Mbappe ayaa warqad u diray PSG bishii hore isagoo sheegay inuusan wax niyad ah u heynin inuu qandaraaska u kordhiyo, kaasoo dhacaya 2024-ta.
Laakiin markii dambe wuxuu caddeeyay inuusan weydiisan kooxda Faransiiska inay u oggolaato inuu u dhaqaaqo kooxda Spain ee Real Madrid, oo hore isku dayday kuna guuldareysatay inay soo xerogeliso weeraryahankii ku guuleystay Koobka Adduunka.
PSG ayaa wajaheysa xaalad cakiran oo ah inay u oggolaato Mbappe inuu dhaco qandaraaskiisa sanadka ugu dambeeya, isla markaana aysan awoodin inay dib u soo ceshato mid ka mid ah 180 milyan oo Yuuro ($ 195.71 milyan) oo ay ku kharash gareysay sannadkii 2017,si ay ugala soo wareegto AS Monaco.
“Mowqifkeyga aad ayuu u cad yahay, ma doonayo inaan ku celiyo mar walba: hadii Kylian uu doonayo inuu sii joogo, waxaan dooneynaa inuu sii joogo, laakiin wuxuu u baahan yahay inuu saxiixo qandaraas cusub,” ayuu Al-Khelaifi u sheegay suxufiyiinta kadib markii uu soo bandhigay Luis Enrique, tababaraha cusub ee kooxda.
Mbappe ayaa shantii sano ee lasoo dhaafay ku guuleystay gooldhaliyaha ugu sareeya Ligue 1 ee PSG.
Wuxuu hore u waayay Lionel Messi oo ku biiray kooxda horyaalka Mareykanka ee Inter Miami, taas oo ku khasbeysa inuu isaga huleelo PSG.
Reut
Madal