Isku xirrada

War Deg-Deg ah

Madaxweyne Xasan: Ciidanka jira Eritrea bisha ayey soo laaban doonaan


Xasan Sheekh
Xasan Sheekh

Madaxweynaha Soomaaliya Xasan Sheekh Maxamuud ayaa sheegay in ciidmada Soomaalida ee ku sugan dalka Eritrea la billaabi doono inay dalka kusoo laabtaan bishan December gudaheeda.

Madaxweynaha ayaa sheegay in keenista ciidankaas la dhammaystiri doono bisha Janaayo 2023-ka.

Hadalka Madaxwyenaha waxaa baahiyey warbaahinta dawladda Soomaaliya, waxaana uu ka hadlayey kulan uu dhowaan la yeeshay jaaliyadda Soomaalida ee magaalada Minneapolis ee dalka Mareykanka

“Dhallinyarada jirta Eritrea waa ay soo laaban doonaan dhowaan,” ayuu yiri madaxweynaha oo hadlayey toddobaadkii tegay, balse muuqaalka hadalkiisa la baahiyey maaanta.

“Waxay imaatinka billaabi doonaan kahor dhammaadka bisha December, waxaana lasoo geba-gebeyn doonaa Janaayo. Waa diyaar xilligan ma fileyno dib u dhac.”

Ciidankan ayaa madaxdweynihii hore ee Soomaaliya Maxamed Cabdullahai Farmaajo uu sheegay inay dhan yihiin 5 kun oo askri.

XS
SM
MD
LG