Marka —
Ugu yaraan lix qof ayaa dhimatay, 12 kalena way dhaawacmeen kadib markii baabuur ay la socdeen uu qarax qabsaday, gobolka Shabeellada Hoose.
Weerarkan oo dhacay subaxnimadii Arbacada waxa VOA u xaqiijiyey guddoomiyaha gobolka Shabeellada Hoose Maxamed Ibraahim Barre.
Baabuurka uu qaraxu qabsaday ayaa marayey inta u dhaxaysa magaalooyinka Marka iyo Qoryooley. Dadka saarnaa baabuurka ayaa la sheegayaa inay dhammaantood rayid ahaayeen.
Gobolka Shabeellada Hoose ayaa ka mid ah gobollada ay ka hawlgalaan maleeshiyaadka al-Shabaab oo sheegta qaraxyada ka dhaca gobolkaasi iyo degaanno kaleba.
Waxaa warbixintan kasoo diray weriyahayaga Mukhtaar Maxamed Catoosh.
Madal