Muqdisho —
Guddoomiye ku-xigeenka koowaad ee Golaha Shacabka Soomaaliya ee muddo xileedkiisu dhammaaday Cabdiweli Ibraahim Muudeey ayaa sheegay in maamulka Koonfur Galbeed ay ka hor-istaageen safar uu ku tagi lahaa degmada Baraawe.
Muudeey ayaa sheegay inuu halkaas u tegi lahaa inuu u tartamo kursiga sumadiisu tahay HOP#145 ee Golaha Shacabka oo uu afartii sano ee la soo dhaafay ku matalayay beeshiisa.
Muudeey ayaa is-hortaaga lagu sameeyey ku tilmaay mid sharciga baal marsan.
Warbixintan waxaa Muqdisho kasoo diray Xasan Kaafi Qoyste.