Kooxda Bayern Munich ayaa si cajiib ah u hanatay horyaalkeedii 11-aad oo xiriir ah horyaalka Bundesliga Jarmalka, kadib markii ay maalintii ugu dambeysay 2-1 ku garaacday Cologne, waxaana goolka u dhaliyay Jamal Musiala daqiiqadii 89-aad.
Goolka Jamal ayaa koobka ka qaaday kooxda ay xifaaltamaan ee Borussia Dortmund.
Dortmund ayaa soo gashay ciyaartii ugu dambeysay xilli ciyaareedka iyagoo ku jira kaalinta koowaad, lakiin waxa ay 2-2 la dhaafi waayen kooxda martida aheyd ee Mainz 05, taasoo u oggolaaneysa Bayern inay ka gudubto tartanka ugu adag ee horyaalka muddo sanado ah.
Bayern ayaa ku dhameysatay 71 dhibcood, iyadoo farqiga goolasha ka sareysa Dortmund.
RB Leipzig iyo kooxda Union Berlin ayaa ku kala jira kaalinta saddexaad iyo afraad waxayna sidoo kale ku tartami doonaan Champions League xilli ciyaareedka soo socda.
Madal