Maleeshiyada ururka Al-Shabaab ayaa weli ka dhex dagaalamaya Hoteelka Villa Rays oo ku yaalla meel u dhow madaxtooyada Soomaaliya.
Weerarkan Al-Shabaab ayaa socda saacaddii 17-aad, waxaana ciidamada dawladdu ay weli wadaan hawlgalka ay doonayaan inay kula wareegaan gacan ku haynta hoteelka.
Wakaaladda wararka ee AFP ayaa soo tebinaysa in ugu yaraan 4 qof ay ku dhinteen weerarkan.
Booliiska Soomaaliya ayaa sheegay in ciidamadu ay wadaan hawl ay kusoo af-jarayana weerarka.
Mas’uuliyiinta sare ee dawladda ayaan weli rasmi ahaan uga hadlin weerarka Al-Shabaab.
Dhinaca kale hawlgalka Midowga Afrika ee Soomaaliya ee ATMIS ayaa cambaareeyey weerarkan.
Kooxda Al-Shabaab ayaa sheegatay mas’uuliyadda weerarkan sida lagu baahiyey qoraal lagu daabacay warbaahinta taageerta kooxda.