Paris —
Lionel Messi ayaa ka tagaya Paris Saint-Germain ee heysata horyaalka Ligue 1, sida ay kooxdu ku sheegtay bayaan ay soo saartay, kaas oo ay kusoo daabacday baraha bulshada.
“Kadib labo xilli ciyaareed oo uu ku sugnaa caasimadda, joogistii Leo Messi ee Paris Saint-Germain waxa ay soo gabagabeyn doontaa dhamaadka xilli ciyaareedka 2022-23,” ayay tiri kooxda PSG.
Ma cadda kooxda uu ku biiro doono Messi, hase yeeshee tababaraha kooxda Barceloa, Xavi, ayaa toddoobaadkii hore sheegay inay soo dhaweynayaan haddii uu go'aansado inuu kusoo laabto garoonka New Camp.
Sidoo kale kooxda Al-hilal ee horyaalka Sacuudi Carabiya ayaa dooneysa inay la saxiixo laacibka heysta koobka Adduunka ee Messi.
AFP.
Madal