Isku xirrada

War Deg-Deg ah

RW Rooble oo kala diray guddiyadii doorashada dadban ee 2020/22


Rooble

MUQDISHO - Ra'iisal wasaaraha Soomaaliya Maxamed Xuseen Rooble ayaa qoraal uu soo saaray wuxuu ku kala diray guddiyada doorashada dadban ee heer federaal, heer dawlad goboleed iyo weliba guddida xallinta khilaafaadka. Qoraalka ka soo xafiiska ra'iisal wasaare Rooble ayaa ujeedada kala dirista guddida doorashada dadban ku sheegay, inay dhamaatay shaqadoodii.

"Ra'iisal wasaaraha xukuumadda federaalka ah ee Soomaaliya, isaga oo uga mahad-celinaya dhammaan guddiyada kala duwan ee doorashooyinka dadban, waajib gudashadoodii qaran, ayaa waxa uu si rasmi ah u kala diray dhammaan guddiyada doorashooyinka dadban ee 2020/22, iyada oo xil-gudashadoodu ku ekayd doorashada labada aqal ee baarlamaanka Federaalka ah ee Soomaaliya" ayaa lagu yidhi qoraalka ka soo baxay xafiiska ra'iisal wasaaraha.

Ra'iisal wasaaraha ayaa sheegay in kuraasta haatan ka banaan baarlamaanka ama kuraasta sabab kale u banaanaata inay maamuli doonaan guddida doorashada ee madaxa banaan oo ku shaqaynaya isla habraacyadii horey loogu soo doortay baarlamaanka 11aad ee JFS.

Halkan ka akhriso waraaqda ka soo baxday xafiiska ra'iisal wasaaraha

Facebook Forum

XS
SM
MD
LG