Isku xirrada

War Deg-Deg ah

Afhayeenka xukuumadda Soomaaliya oo ku dhaawacmay qarax lala eegtay


Macallimuu

Afhayeenka xukuumadda Soomaaliya Maxamed Ibraahim Macalimuu ayaa lagu dhaawacay qarax ismiidamain ah oo maanta ka dhacay jidka Maka Al-Mukarama ee magaalada Muqdisho.

Macalimuu ayaa loola cararay mid ka mid ah cisbitaallada magaalada, waxaana dadka ka ag dhow ay u sheegeen VOA in xaaladdiisu ay deggan tahay.

Xafiiska Ra’iisul Wasaaraha Soomaaliya ayaa xaqiijiyey in Macalimuu lagu dhaawacay weerar ismiidaamin ah, waxaana xafiisku cambaareeyey werarkaas.

Xafiiska Ra’iisul Wasaaraha Soomaaliya ayaa u rajeeyey Macalimuu inuu degdeg uga soo kabsado dhaawaca soo gaaray.

Maxamed Ibrahaim Macalimuu oo horey u ahaa saxafi, islamarkaaana hoggaamin jiray mid ka mid ah ururrada u dooda saxaafadda ayaa dhowr jeer ka badbaaday weerarro ka dhacay magaalada Muqdisho.

Ururka Al-Shabaab ayaa sheegtay mas’uuliyadda weerarkan lala beegsaday Macalimuu, sida ay tebiyeen warbaahinta ku hadasha afka ururkaas.

Warbixintan waxaa Muqdisho kasoo diray Xasan Kaafi Qoyste.

Afhayeenka xukuumadda Soomaaliya oo ku dhaawacmay qarax lala eegtay
please wait

No media source currently available

0:00 0:02:04 0:00


Facebook Forum

XS
SM
MD
LG