Isku xirrada

War Deg-Deg ah

Wasiir ka tirsan Galmudug oo sheegay inay fashilantay waan-waantii Farmaajo iyo Rooble


Wasiiru dowlaha madaxtooyada dowlad goboleedka Galmudug Cumar Shido ayaa xaqiijiyay inay fashilantay waan-waantii madaxweynaha Galmudug uu maalmihi la soo dhaafay ka dhex waday Madaxweyne Farmaajo iyo Ra'isul Wasaare Rooble oo khilaaf weyni uu soo kala dhexgalay.

"Sidaad lawada socoteen Madaxweyne dowlada Galmudug Ahmed Abdi Kariye (Qoorqoor) oo maalmahan ah ku howlanaa xalinta khilaafka ka dhashay kiiskii Ikraan Tahliil, oo sababay muran aad u balaaran, oo u dhaxeeyo Madaxweyne Farmaajo iyo Raisal wasaare Rooble. Dadaal badan oo uu bixiyay Madaxweynaha Galmudug oo marxalado badan soo maray iyadoo xiliyada qaar ay shirarku qaadanayeen ku dhawaad 18 saac, ayaa gunaanadkii wuxuu caawa kusoo dhamaaday fashil, iyadoo Rw Rooble garabkiisa ay muujiyeen biseyl badan halka dhinaca kalena lagala kulmay caqabad aad u waaweyn oo soo dadajisay inuu wada hadaladii socday caawa ay istaagaan" ayuu ku yiri qoraal uu ku daabacay bartiisa Facebook wasiiru dowlaha madaxtooyada Galmudug Cumar Shido.

VOA waxay la xiriirtay Cumar Shido, oo xaqiijiyey inuu qoraalkaasi sax yahay, madaxweynaha Galmudug-na uu mowduucaas ka hadli doono.


Villa Somalia ayaan isla markiiba ka jawaabin hadalkan, marka ugu horraysa ee ay ka jawaabaanna waan idiin soo gudbinaynaa.

Xubno ay ka mid ahaayeen Madaxweynaha Galmudug Axmed Cabdi Kaariye Qoorqoor, madaxweynaha Koofur Galbeed Cabdicaziiz Laftagreen iyo guddoomiyaha Baarlamaanka Maxamed Mursal ayaa maalmihii la soo dhaafay ku howlanaa sidii loo dhammeyn lahaa khilaafka Farmaajo iyo Rooble.

Mareykanka, Midowga Yurub iyo Qaamada Midoobay ayaa iyaguna si kala gooni-gooni ah madaxda dowladda ugu soo jeediyay inay xalliyaan xilaafka, loonaa soo jeedso 'geeddi socodka doorashada."

Facebook Forum

XS
SM
MD
LG