MUQDISHO —
Magaalada Muqdisho waxaa ka socda dadaallo lagu doonayo in xal loogu helo khilaafka sii xoogeysanaya ee u dhaxeeya madaxweyne Farmaajo iyo Ra'iisulwasaare Rooble. Labada mas'uul ayaa maanta kulan fool ka fool ah ku yeeshay xarunta madaxtooyada.
Siyaasiyiin ay ku jiraan madaxda maamul-goboleedyada Galmudug iyo Koonfur Galbeed ayaa isku dayaya in ay heshiisiiyaan Farmaajo iyo Rooble oo isku haya cidda hoggaamineysa hay’adda sirdoonka iyo waliba caddaalad in ay hesho gabadhii ka tirsanayd hay’adda NISA ee dhawaan la dilay.
Haddaba wararkii u danbeeyay waxaa inoo haya weriyaha VOA Cabdulqaadir Maxamed Cabdulle.
