Muran xooggan ayaa ka dhashay habraaca ay Axaddii soo saareen Golaha Wadatashiga Qaran ee ku aaddan doorashooyinka mudanayaasha Golaha Shacabka Soomaaliya.
Golaha Midowga Murashaxiinta ayaa diiday habraacan, gaar ahaan qodobbada la xariira Oday dhaqameedka, magacaabista bulshada rayadka ah, xulista, xaqiijinta, dabagalka iyo diiwan gelinta ergooyinka oo dhamaantood gacanta loo geliyey madaxda dawlad Goboleedyada.
Dhinaca kale, xubno ka tirsan Golaha Midowga Musharrixiinta madaxda maamul goboleedyada ayaa maanta shir ka yeeshay arrintan.
Warbixintan waxaa magaalada Muqdisho kasoo diray Cabdulqaadir Maxamed Cabdulle.
