Isku xirrada

War Deg-Deg ah

66 qof oo ku dhintay dab qabsaday isbitaal lagu dabiibo bukaannada COVID-19


Ugu yaraan 66 qof ayaa ku dhintay, in ka badan 100 kalena waa ku dhaawacmeen dab loo maleynayo inuu ka dhashay qarax haanta oksijiinka ee isbitaalka lagu dabiibo bukaanadda coronavirus ee ku yaal magaalada Nassiriya ee koonfurta Ciraaq, sida ay xaqiijiyeen saraakiisha caafimaadka iyo booliska.

Shaqaalaha gurmadka ayaa galay dhismaha isbitaalka al-Hussain oo qiiq hareeyay, iyagoo raadinaya meydad dheeri ah, waxaana Ra'iisul Wasaaraha Ciraaq Mustafa al-Kadhimi uu kulamo deg deg ah la yeeshay golohiisa wasiiradda, isagoo amar ku bixiyay in shaqada laga joojiyo, isla markaana la soo xiro maareeyeyaasha caafimaadka iyo kuwa madaniga ah ee Nassiriya, sida lagu sheegay war qoraal ah oo xaafiiskiisa ka soo baxay.

Isbitaallada iyo nidaamka caafimaadka ee Ciraaq markii horeba waxaa baabi'iyay dagaallo iyo cunaqabatayn, iyadoo Ciraaq ay hadda la halgameyso la tacaalidda dhibaatada COVID-19 oo ay ku dhinteen 17,592 oo qof, uuna ku dhacday in ka badan 1.4 milyan.

"Shaqaalaha caafimaadka ayaa meydad gubtay ka soo saaray isbitaalka oo gubanaya, iyadoo bukaanno badan ay la qufacayeen qiiqa sii kordhaya" ayuu yiri wariye ka tirsan wakaalada wararka Reuters oo ku sugan goobta uu dabka ka kacay.

Warbixinnada horudhaca ah ee booliska ayaa sheegaya in haanta oksijiinka ee ku qaraxday gudaha qaybta cisbitaalka ee COVID-19 ay u badan tahay inuu sababo dabka" ayuu yiri nin ka tirsan booliiska oo ku sugan goobta uu dabka ka kacay.

Bishii April, dab ka dhashay qarax haanta oksijiinka ee isbitaal lagu dabiibo bukaannada COVID-19 ee magaalada Baqdaad ayaa dilay ugu yaraan 82 qof, halka 110 kalena ay ku dhaawacmeen.

Reuters

Facebook Forum

XS
SM
MD
LG