MUQDISHO —
Ra’iisul Wasaaraha Soomaaliya Maxamed Xuseen Rooble ayaa shir wadatashi iskugu yeeray madaxda maamul goboleedyada iyo gobolka Banaadir 20-ka bishan May.
Afhayeenka dawladda Maxamed Ibraahim Macallimu ayaa sheegay in Ra’iisul Wasaaruhu mudnaan siinayo dhaqan gelinta Heshiiskii 17-kii September ee hagayay hannaanka doorashooyinka dalka.
Tallaabadan ayaa ka dambaysay markii shalay Aqalka Hoose ay baarlamaanku ay ka laabteen muddo kordhinta ayna dib isii celiyeen Heshiiskii 17-kii September.
Sidoo kale, madaxweyne Farmaajo ayaa sheegay inuu maamulka doorashooyinka dalka iyo amnigooda ku wareejiyey ra’iisul wasaare Maxamed Xuseen Rooble.
Facebook Forum