Wasaaradda Diinta iyo Awqaafta ee maamulka Galmudug ayaa sheegtey in qofkii lagu helo inuu kufsi gaystay la marin doono xukun ku saleysan waxa ay shareecada Islaamka ka qabto.
Hadalka kasoo baxay Galmudug ayaa imanaya ayada oo dhowaanahan ay meelo ka mid ah Soomaaliya, oo ay ku jirto Galmudug, kusii kordhayeen kiisaska kufsiga loo gaysto gabdhaha.
Isku duwaha Wasaaradda Diinta iyo Awqaafta ee Galmudug, Macalin Cabdirisaaq Cabdiraxmaan Sheikh Nuur, ayaa u warmaya wariyaha VOA Cabdulwaaxid Macalin Isxaaq.
