Maxkamadda ciidamada qalabka sida ayaa maanta xorriyaddiisa dib ugu soo celisay suxufiga Maxamed Cabdiwahaab Nuur Abuuja oo muddo shan bilood ah u xirnaa dawladda Soomaaliya.
Abuuja ayaa waxaa soo xirtay hay’adda Nabad-Sugidda iyo sirdoonka qaranka ee NISA, oo ku eedeysay dil iyo inuu ka tirsan yahay Al-Shabaab.
Maxkamadda Ciidamada ayaa sheegtay in eedaha ka dhanka ahaa aan cadayn loo haynin, sidaas darteedna waxay amartay in lasii dayao.
Warbixintan waxaa Muqdisho kasoo dirtay Seynab Abuukar.
