Maleeshiyada kooxda Al-Shabaab ayaa maanta weeraray laba saldhig oo militari oo ay ciidamada Soomaaliya ku leeyihiin gobolka Shabeellada Hoose, sida ay sheegeen saraakiil militari.
Saldhigyada la weeraray ayaa kala ah saldhigga Ceel-Saliini, oo qiyaastii 55 KM u jira Muqdisho iyo saldhigga ay ciidamada deegaanku ku leeyihiin magaalada Qoryooley oo 120 KM koonfur ka xiga Muqdisho.
Haddaba maxay yihiin waxyaabaha sababaya weerraradan soo noqnoqanaya ee ururka Al-Shababa ay ku qaadayaan saldhigyada ciidamada?
Su’aashaas iyo kuwo kale ayaa Cabdixakiim Maxamuud Shirwac uu ka waraystay Sarreeye Guuto Cabdullaahi Aadan Xuseen oo ka faallooda arrimaha gaashaandhigga iyo ciidamada.
