Afar ka tirsan ciidamada dawladda Soomaaliya ayaa la la’yahay iyadoo laga cabsi qabo inay dhinteen kadib markii doon ay la socdeen ay ku qallibantay xeebta magaalada Marka.
Doonta oo ay saarnaayeen 17 askari ayaa xalay fiidkii ka baxday magaalada Muqdisho, waxayna rogmatay xilli ay ku dhoweyd magaalada Marka.
Xeebta magaalada Marka ayaa waxaa ka socda gurmad lagu baadigoobayo askarta la la’yaha, sida uu sheegay maamulka gobolka Shabeellaha Hoose.
Xasan Kaafi Qoyste ayaa warbixintan kasoo diray magaalada Muqdisho.
