Guddoomiyihii gobolka Banaadir, Cabdiraxmaan Cumar Yariisow ayaa u geeriyodoay dhaawacii kasoo qaaray qaraxii ka dhacay xarunta dowladda hoose ee Muqdisho, 24-kii July.
Yariisow ayaa dhowrkii maalmood ee lasoo dhaafay lagu daweynayey Isbital ku yaalla magaalada Doha ee dalka Qatar oo loo qaaday maalin kadib qaraxa.
Geerida Yariisow ayaa waxaa VOA u xaqiijiyey maamulka gobolka Banaadir.
Qaraxii dhacay 24-kii July ayaa waxaa sidoo kale ku dhintay mas’uuliyiin kale oo ka tirsanaa maamulka gobolka Banaadir, oo ay ku jiraan saddex guddoomiye degmo iyo agaasimeyaal.
Kooxda Al-Shabaab ayaa sheegatay mas’uuliyadda qaraxaas.
Maxamed Colaad Xasan ayaa ka wareystay Gudoomiye ku xigeenka maamulka iyo maaliyadda gobolka Banaadir, Ibraahim Cumar (Ibraahim Dheere).