Ciidamada amniga degmada Guriceel ayaa ka hortagay qof doonayay inuu isku qarxiyo munaasabad ka socotay meel fagaaro ah oo ku taalla degmadaasi.
Sawirro la soo dhigay internet-ka ayaa muujinaya dhowr askari oo qabtay nin la sheegaya inuu doonayay inuu is-qarxiyo.
Taliyaha ciidamada daraawiishta Galmudug, Jeneral Mascuud Maxamed Warsame ayaa VOA u sheegay in ninka la qabtay uu xirnaa jaakad waxyaabaha qarxa lagu xiray, oo uu doonayey inuu is-miidaamiyo.
Xuseen Xasan Dhaqane ayaa warbixintan ka soo diray Beledweyne.
