Gool caaqibo lahaa oo uu xalay Mohamed Salah ayaa ka caawiyay kooxdiisa Liverpool in ay dib ugu soo laabtaan hogaanka horyaalka Ingiriiska ee Premier League, ka gadaal marki ay 2-0 ku dubteen Chelsea.
Liverpool aad ayay ugu baahneyd guushaasi, maxaa yeelay waxay maanka ku hayeen labada dhibcood ee ay ka saramartay Manchester City oo Axadi 3-1 ku garaacday Crystal Palace.
Ciyaarti shalay oo ka dhacday garoonka Anfield ayay Liverpool kusoo bandhigeen ciyaar xamaasad laheyd waxaana goolka hore dhaliyay Sadio Mane, halka goolkabaad uu si cajiiba u dhaliyay Salah oo shabaqa Chelsea ka toogtay meel ka baxsan diilinta ganaaxa.
Liverpool waxay hadda leedahay 85 dhibicdoo, waxay laba dhibic ka sarreysaa Man City. Laakin City waxaa u harsan shan kulan halka Liverpool ay u dhimanyihiin afar ciyaarood.