Madaxweynaha Maryekanka Donald Trump ayaa sheegey in go’aanka xisbiga Dimuqraaddiga ay ku gaareen inay wareystaan qareenkiisii hore Michael Cohen isla waqtigii uu isaga la kulmayay hoggaamiyaha Kuuriyada Waqooyi Kim Jong Un, ay sababtay in uu fashilmo kulankaas.
Trump ayaa Axaddii soo dhigay bartiisa Twitter-ka in xisbiga Dimuqraddiga ay wareysteen “beenaale qirtay beentiisa” ayna ku soo aaddiyeen xilii uu dhacayay shir muhim ah oo Nukliyerka looga hadlayay, taasina ay sababtay in shirka lagu kala kaco.
Cohen oo Trump u ahaa qareen muddo 10 sano ah ayaa madaxweynaha ugu yeeray “beenaale, qaa’in iyo cunsuri” intii ay socotey dhageysiga su’aalo weydiintiisa Aqalka Wakiillada.
Waxa uu sheegey in madaxweynuhu uu galay dambiyo inta uu xafiiska joogey, taasi oo Dimuqraaddigu u saamaxdey inay ku baaqaan baaritaanno dheeraad ah.