Nin hubeysan ayaa maanta toogasho ku dilay madaxii shirkadda P&O oo ay leedahay DP World ee dekedda magaalada Boosaaso.
Sarkaal amni oo lagu magacaabo Maxamed Daahir ayaa wakaaladda warraka ee AFP u sheegay in nin hubeysan uu dilay Paul Anthony Formosa oo ahaa agaasimaha mashruuca dhismaha DP World ee dekedda.
Paul ayaa waxaa lagu dhex-dilay dekedda, waxaana ciidamada ammaanka ay sheegeen in ninka la dlay uu yahay dhaawac oo la hayo.
Kooxda Al-Shabaab ayaa sheegatay mas’uuliyadda weerarka.
“Anaga ayaan ka dambeyna howlgalka” Waxaa sidaas yiri afhayeenka howl-gallada Al-Shabaab Cabdicasiis Abuu Muscab oo la hadlay wakaaladda wararka Reuters.
“Waan u dignay balse dhegaha ayuu naga fureystay, sharci-darro ayuu dalka ku joogay” ayuu sii raaciyey.
Faadumo Yaasiin Jaamac ayaa warbixintan nooga soo dirtay Boosaaso.
