Isku xirrada

War Deg-Deg ah

Itoobiya oo Sheegtay inay dileen 70 Xubnood oo Al-shabaab ah.


Un hélicoptère militaire éthiopien, à Zala Anbesa, le 26 mai 2000.

Dowladda Ethiopia ayaa sheegtay in duqeyn cirka oo ay ciidamadeeda ka fuliyeen meel ka mid ah Soomaaliya ay ku dileen ugu yaraan 70 dagaalyahan oo ka tirsan Al-shabab.

Warkan oo ay baahisay warbaahinta dowladda Ethiopia taageerta ee Fana ee fadhigeeduyahay Addis Ababa ayaa lagu sheegay in duqeyntan ay ciidamada Ethiopia u fuliyeen si ay u fashiliyaan weerar ay al-shabab qorsheynaysayinay ku qaadaan guutada ciidamada Ethiopia ee qeybta ka ah Howlgalka Midowga Africa ee Soomaaliya, ee AMISOM.

Warkan ayaa lagu sheegay in duqeynta sidoo kale lagu burburiyay laba gaari oo uu hub ugu rarnaa Al-shabab.

Idaacadda Fana ayaa soo xigatay Taliyaha ciidamada cirka ee Ethiopia General Yilma Merdassa, oo sheegay in duqeynta ay aheyd mid qorsheysneyd oo laga baaraan deggay, isla markaana 100% ujeedadii ay ka lahaayeen ay gaareen.

Warkan lagu faahfaahin goobta iyo goorta uu weerarkan dhacay, mana jirto cid ka madaxbabaan Ethiopia oo xaqiijineysa.

Ethiopia ayaa qeyb ka ah dalalka ciidamada ku yaboohay howlgalka AMSIOM. Waxaana ay ka howlgalaan qeybta 3aad ee Gobolada Bay iyo Bakool.

Ciidamada Ethiopia ee Soomaaliya ayaan lagu aqoon baahinta weerarada ay u geystaan ama ay kala kulmaan maleeshiyada al-shabab ee Gudaha Soomaaliya.

Facebook Forum

XS
SM
MD
LG