Isku xirrada

War Deg-Deg ah

Dalka Paraguay ayaa maanta safaarad ka furtay magaalada Qudus, wuxuuna noqday dalkii saddexaad ee qaada tallaabadan siyaasadeed ee xasaasiga ah.

Madaxweyne Horacio Cartes ayaa xafladdii furitaanka ka sheegay in go’anka saafaraddooda looga soo raray Tel Aviv, loona keenay Qudus, ay tahay “mid taraiikhi ah”, oo xoojineysa xiriirka Paraguay iyo Israel.

Ra’iisul wasaraaha Israel, Benjamin Netanyahu ayaa soo dhoweeyey go’aanka Paraguay.

Toddobaadkii tagey, dowladda Mareykanka ayaa noqotay tii ugu horreysay ee safaaraddeeda Israel usoo rarta Qudus, ayada oo fulisay ballan-qaad uu ololaha doorasho ku sameeyey madaxweyne trump.

Laba maalmood kadib, Guatemala ayaa safaaraddeedii Tel Aviv u rartay Qudus.

Falastiiniyiinta ayaa si xooggan u cambareeyey tallaabooyinkan. Waxa ay sheegeen in Bariga Qudus ay tahay caasimadda dalka mustabalka ee Falastiin, hase yeeshee Israel ayaa u aragta Qudus, oo aan kala qeybsaneyn caasimadeedda.

Facebook Forum

XS
SM
MD
LG