Waxa Hargeysa ku xiran Naciima Axmed Ibraahim oo xiran in ka badan 3 isbuuc iyo Maxamed Keyse Maxamuud oo isna isbuucan la soo xiray. Labadan qof oo dhallinyaro ah, ayaa sida ay xarunta xuquuqal insaanka ee Somaliland sheegtay loo xirey aragtiyo ay cabbireen.
Dhinaca kale, xeer-ilaalinta guud ee Somaliland ayaa iyana sheegay inay dhallin-yaradani ku eedaysan yihiin falal iyo warar ka dhan ah amniga iyo Somaliland.
Weriyaha VOA Barkhad Maxamuud Kaariye ayaa arrintan wax ka waydiiyay Guuleed Axmed Jaamac oo ah guddoomiyaha Xarunta Xuquuqal Insaanka.
Dhanka kale, waxa uu isla arrintan weriyaha VOA Barkhad Maxamuud Kaariye wax ka waydiiyay afhayeenka xeer ilaalinta guud ee Somaliland Mawliid Cabdi Muuse, ahna guddoomiyaha xeer ilaalinta Hargeysa, waxaanu ugu horrayn waydiiyay xarigga dhallin-yaradan.