Wararka ka imaanaya gobolka Jubadda Hoose ayaa sheegaya in ugu yaraan 15 qof ay ku geeriyoodeen dagaal shalay ka dhacay deegaanka Baar-sanguuni oo ka tirsan gobolka.
Dagaalka ayaa billowday kadib markii ay ciidamada Jubaland weerar ku qaadeen fariisin ay Al-Shabab ku leeyihiin deegaanka Baar-sanguuni.
Dadka geeriyooday ayaa u badan dhinacyadii dagaalamay, waxaana jira dad rayid ah oo ay waxyeelo ka soo gaartay dagaalka, inkasta oo aan la ogeyn tirada rasmiga ah.