Isku xirrada

Sh/Dhexe: 8 Qof oo Qarax iyo Weerar lagu Dilay


Ciidamada dowladda

Ilaa saddex askari ayaa ku geeriyootay, 2 kalena waa ay ku dhaawacmeen kadib markii miino kuwa dhulka lagu aaso ah ay gaarigii ay wateen oo ahaa nooca ay Soomaalidu Cabdi Bilaha u taqaano ah kula qaraxday meel aan ka fogeyn garoonka diyuuradaha magaalada Jowhar oo ku yaalla deegaanka macaashka cadayga oo qiyaastii 10km waqooyiga kaga beegan magaalada Jowhar.

Goob-joogayaal ayaa VOA u sheegay in gaariga qarxay uu gabi ahaanba bur-buray, waxaana askartii dhaawacu uu soo gaaray la geeyay Isbitaalka magaalada Jowhar.

Dhinaca kalena ilaa 5 qof oo rayid ah ayaa lagu dilay meel ku dhow deegaanka Xawaadley ee isla gobolka Sh/Dhexe.

Dadkan ayaa saarnaa gaari xamuul ah oo sida la sheegay kusii jeeday magaalada Muqdisho, waxaana dableyda dilka geysatay ay baabuurka kala dageen 5-ta ruux oo uu ku jiray darawalkii gaarigaasi.

Dilkan ayaa waxa uu salka ku hayaa aano qabiil, waxaana wararka ay VOA heleyso ay sheegayaan in ciidamo ka tirsan kuwa Hir-Shabeelle ay gaareen deegaanka ay shaqaaqadu ka jirto.

Dhanka kalena Maleeshiyada Al-Shabaab ayaa goor dambe oo xalay ah waxa ay weerar ku qaadeen Saldhig ay ciidamada Amisom ku leeyihiin duleedka degmada Mahadaay ee isla gobolkaasi Sh/Dhexe.

Dadka degaankaayaa sheegay in ay maqlayeen diryanka qaraxyada iyo hubka culus ee halkaasi leysku weydaarsaday.

Ilaa hadda si rasmi ah looma oga khasaaraha labada dhinac kasoo gaaray weerarkaasi.

Facebook Forum

XS
SM
MD
LG