Isku xirrada

Dagaal Dhexmaray Al-Shabaab iyo Beeraley


Shabaab

Wararka ka imanaya Gobolka Shabeellada Hoose ayaa sheegaya in dagaallo qaraar uu dhex maray maleeshiyada Al-Shabaab iyo beeraleyda deegaanka kadib markii mintiidiinta kooxda Shabaab ay xoolo ari ah ka qaateen beeralayda.

Warar aanu ka helnay dadka degaanka ayaa VOA u sheegay in maleeshiyada Al-Shabaab ay qaateen xoolo gaadhaya ilaa 500 neef oo iskugu jira ido iyo riyo oo ay lahaayeen beeralayda dadka degaanka.

Maxamed Cusmaan Yariisow oo ka mid ah mas’uuliyinta hoggaamisa dadka degaankaas oo dagaallo xiriir ah ay dhexmarayeen Shabaab bilihii u dambeeyey ayaa VOA u sheegay in dagaallada maanta ka dhacay inta u dhaxaysa Bariire iyo Awdheegle ay ka dhasheen khasaare iskugu jira naf iyo maal intaba.

Beelaha dadka degaanka ayaa sheegay in Al-Shabaab ay ku eedaysay inay la shaqeeyaan oo ay gacansaar la leeyihiin dawladda.

Dagaallo hore oo qaraar ayaa labada dhinac ku dhexmaraya isla Gobolka Shabeellda Hoose gaar ahaan lambar 50 iyo lambar 60.

XS
SM
MD
LG