Isku xirrada

Wararka ka imanaya gobolka Shabeellaha Hoose ayaa sheegaya in 6 qof oo saarnaa baabuur caasi ah ay dhinteen, ka dib markii weerar lagu qaaday gaarigaas oo marayay meel u dhow tuulada farxaanle oo hoostimaada degmada Qoryooleey.

Gaarigan ayaa ku sii socday magaalada Baydhaba. Ayaad Iimaan Aaden oo sheegay inay ehel yihiin darawalkii gaarigaasi waday ayaa VOA u sheegay in ciidamada AMISOM ee agagaarkaa ku sugan ay rasaas oodda uga qaadeen gaarigaasi, sidaasna ay ku wada dhinteen guud ahaan 6-da qof ee gaarigaasi la socotay. Ayaad oo ku sugan degmada Banaaneey ayay Caasho Ibrahim la xiriirtay si ay wax uga weydiiso sida shilkaasi u dhacay.

Waxaa naga xasuusin ah inaan isku daynay inaan la hadalno ciidamadaAMISOM si ay uga jawaabaan eedaha loo jeedinayo, balse ilaa imika nooma suurtagalin.

XS
SM
MD
LG